خاطرتي بقلمي: موعد لقى ♥️

خاطرتي بقلمي: موعد لقى ♥️

موعد لقى ♥️

على ذاك اللقى اللي تواعدنا 

تجيني يوم وتسردلي خواطرنا

أعيشك حب .. وتعيشني 

وعد ومحبه وذكرى

تشوح اسوأ ايامي 

بلقى لحظه مع سنك 

بلقى لحظة تعوض كل مافيني

تنسيني ، تحيني ، تجنني

تهديني بعض منك 

بعض منك تحيني 

وتخليني انا كلك

ألا يا بخت كلي أنا،  بكلك

ورد منثور في مسرى مشاعرنا 

في اسمي وفي اسمك

وفي أول كلمة حب من قلبي

أنا قلت لك ' أنا أحبك ' 

وإذا ضاقت أنا اسرد لك 

ف كل ليلة من عمري 

' عزيزي ' منهو يحتضنك ! 

إذا جار الزمن على بعضك 

روحي يا روحي  انا تضمك 

ابيع اخر ايامي واولها 

ولا اترك يوم بعض كلي يدور كل ( كلك ) ♥️

مصر ، القاهرة ، ٩،١٥

كتاتيب البدون

.

.

.

.

.

'لا خير فينا إن كنا أمة عربيه مسلمة تصمت أمام الظلم ناكره لأهم حق من حقوق الإنسان وهو التعليم والذي به ترتفع أُمم وبه تهبط أُمم شارك لو بكلمة رُب كلمة قد تصل وتغير واقعهم 💔

'

'

'

ما ذنبي إني ولدت بلا هويه ! 

ألا يكفي أن هويتي عربية ... ؟ 

أم إنكم نسيتم ولايتي لمحمداً هوية !!

حقي الوحيدُ في هالحياه قلم أخطُ به ثراه

قلم يعيدُ لي حياتي يحميني ويصونُ ذاتي 

قُتِلْ الخيالُ في هالحياه..

وصار القهرُ هو منتهاه

حرفُ يضيعُ وسط فضاه

وأنا لا أعرف له سَنِيه !

هويتي أمرتني أول ما بعثتني

"إقرأ وربك الأكرم الذي علم بالقلم "

بأي حق تمنعوني ! ، بأمر ربي تُجْرِمُني !

بأي حق قد طمستم ، هوية موجوده فعلاً ؟

ربي إني أخافُ 

عتابك وقت المماتُ 

إني كنتُ أحاولْ ، امسكُ القلم وأناظلْ 

إني كنتُ احلم ديني به أُلْمِمْ

اغفر لي يا ربي ذنبا " بلا هوية " قالوا ستندم '

لأبسط حقوقي أكافح ...

لكن الرحمة لديهم ' مُنكر ' 

ولدت وهذا ذنبي هويتي لها أجهل ! 

# كتاتيب_البدون 

بقلم فاطمه السالم 💕

الدنيا حلوه

ما تحسون مرات إن ودكم تعطون وتعطون وتعطون بس طاف !! 

ما تحسون إن صار عادي عندك كل شي وما عاد يهمك شي غير إنك تمشي يومك ! 

جم واحد منا مر عليه هالشعور ! ،، وايد وايد وايد 💔 

بس بالآخر اهيه مرحله وتعدي من كثر ما تعبنا ومن كثر ما عطينا ومن كثر ما اهتمينا ما بقى فينا احساس نعطي أكثر ،، ما بقى فينا روح تهتم أكثر ... 

وايد ودي أنسى شغلات بحياتي صارت مو بس انساها ،، اشلعها شلع ،، احرقها ولا جنها صارت ...

بس لحظه ! 

مو هاذي اهيه نفس الأشياء اللي خلتني أصير اقوى ! 

مو هاذي اهيه الاشياء اللي خلتني استوعب الدنيا أكثر ! 

مو هاذي الاشياء اللي عدت اهيه نفسها تعطيني دافع اذا حاشتني مشكله ، إني بعديها وبنسى وبعيشها و إن بعد هذا كله في وناسه ناطرتني ..! 

أيـــه ... اهيه نفس الأشياء اللي أبي انساها نفسها اللي بتخليني أحس وأفهم واستوعب حياتي ودنيتي وكل شي حولي ...

ترى عادي اللي يصير ويانا وعلى قولتهم " كلن شايل بقلبه شقى ليله " ،، منو منا مرتاح بحياته ؟ منو منا ما عنده شي يخاف عليه ويحاتيه ؟ منو منا ما عنده شي يداريه ؟ 

كلنا عندنا شي ما نبي أحد يعرفه ونداريه ونخاف عليه ونهتم فيه كثر ما نقدر ،، وايد مرت علي لحظات كنت أكره نفسي واتمنى لو إني اموووت بس استغفر ربي واتذكر " قل لن يصيبنا إلا ما كتب الله لنا "  ، واتذكر بعد " و عسىٰ أن تكرهوا شيئا وهو خير لكم " ...

وايد أشياء كرهناها بحياتنا بس بنهايتها كان في وايد خير لنا ...

بكل مصيبه تمر ..

بكل مشكله تمر ..

تعرف منو يعزك وشاريك ،، تعرف منى يحبك ،، تعرف منو مستعد يضحي عشانك ،، تعرف منو اللي وده يساعدك ،، و أنا أقول الناس ما يبين معدنها إلا بهالسوالف ... 

ياما ناس طاحوا من عينا من بعد جذي مواضيع وناس غيرهم كبروا بعينا وصارلهم معزه وبعضهم كنا ما نبلعهم بالمره ولكن شاءت الأقدار .... 

الله يعينكم كلكم ويحفظ لكم كل غالي ويحفظ لكم بالأخص الانسان اللي كل ما ضاقت عليك تلاقيه يفتحها جدامك بكلمتين صغار .. 

وأكثر كلمه كانت تهون علي " فطوم لا تتضايقين ترى الله كاتبلج شي وايد حلو جدام ينسيج هذا كله " ،، هالكلمه دايما اسمعها من اختي وصديقه عمري فجر الله يخليها لي أبسط شي يطلع منها من كلام يكون بالنسبه اللي الضو اللي ينور طريجي وانا متضايقه .... 

#ترى_بس_تحلطم :) 

#فاطمه السالم

افترقنا

ابتدينا ذات ليله 

حكايتنا الجميله

ما درينا وش بيصير !

ووين بياخذنا المصير ! 

إلتفتْ وقال لي " إنتي عمري منتي لي !"

السؤال واضح تعجب 

والجواب في قلبي يرجف 

رد وقال جاوبي " يعني احنا ابننتهي ؟"

ما دريت ويش أجاوب !

الجواب عن بالي غايب 

انحنيت وقلت له " يعني تقدر تعيش دوني !"

إنت تقدر تنسىٰ جنوني !

كيف أنام ومنت لي ؟

وأنت إحلامي وهلي 

الليالي والأماني واللي كان 

كيف انهاها الزمان ! 

جاوب إنت وقول لي " وين العدل باللي صار ؟"

ليش قلوب الناس منا تغار !

ضيعونا ،، اعدمونا وانتهىٰ

جاوبني بس شاللي صار !

وقتها حيل ارتبكت

وخذت خطواتي ومشيت

والكآبه لازمتني والحكي مني يبكي 

والسؤال اللي ببالي ...

هم ليه ما اتركونا !

ليه بالحجر رمونا ! 

يعني ماكو غيرنا !

حالنا حال أي عاشق 

بنتعذب وانتفارق !!

هذا حال الناس دايم

الكتوم حيل هايم

اسمع همس الليالي وصوته

بالحنين يشبه جروحه

وهاذي آخر الحكاية

وكل بدايه ابنهايه

وانتهينا مع صوت الليل ليله

وانتهت أمانينا الجميلة

وكل عاشق في حياته 

يلقى من يجمع شتاته

وسلامتكم بقلمي المتواضع ،، اختكم فاطمه السالم 😉

وينك انت !

وينك انت !
ما وله قلبك علي !
ما حسيت ان وجودي الحي
ما عاد حي ؟

وينك انت !
ما تبالي باللي صار !
ما فقدت مثلي الحنان !

وينك انت !
هو صحيح انك نسيت !
ولحبنا بلحظه جفيت !

وينك انت !
وينك انت اليوم عني !
همي ذابحني كلي
منت حاس باللي صار !
انتهى كل الامان ....
اختلفت الاوقات كلها
واختلف معها المكان
كل شي اهني حولي
بس يسالني عنك

وينك انت !
انت  نايم ولا صاحي !
وعن شعوري حيل لاهي

وينك انت !
قلبك ما حس فيني !
ما فز من نومه يناديني !
انت وينك وانا ويني !
ليش فرقتنا الليالي
وصار طعم الليل خالي
المشاعر ابردت والحنين
وكلهم نايمين ....
ما بقيت الا انا والملابس
والهدايا واصوات باذني تئيين

وينك انت !
ياللي نايم !
اصحى وشوف الشوق هايم ..
كل ما قلت بنسى صحت
واذكر انك كنت لي دايم

وينك انت !
تعال فهمتي شاللي صار !
شاللي غير قلبك في الحال
كيف الثواني بدلت قلبك علي !
وصرت انا عندك ولا شي !

وينك انت !
علمني بس شاللي بذر مني !
ليه تحرمني من نومي وضحكي !

وينك انت !
ابي اعرف ليش قلبك صار اناني !
وليش باحزاني ما تعاني !

وينك انت !
منهو اللي اخذك مني !
وحرمني منك !

وينك انت !
متى ترجع خلاص ارجوك
يكفي الم بالصدر موعود

وينك انت !
ووين ذيك الوعود !
انك ما تخليني وتروح !

وينك انت !
انت داري انك رحلت عني !
وانك نسيت كل وعد لي !

وينك انت !
وين كلامك لما كان لفراق غافي !
ما تفكر فيه ولا تحاتي ...

وبنك انت !
كيف جاتك هالقساوه كلها !
تروح وما ترجع بس !

وينك انت ! 
انا للحيني احاول 
استوعب انك مني رحت ! 

وينك انت !

اقرب الناس

عندما نرى الخطأ أمامنا من أقرب الناس إلينا هل نسكت ؟!
أم نقف مذهولين من ما نرى !
هل نبكي لأننا صدقنا وعودهم !
أم نضحك على حالهم المزري !
ينتابني خجل شديد عندما أتذكر تصديقي لهم ، و أشعر كأنني دمية بمشاعر محدده ...
أشعر بالخداع والنفاق والألم من طرفهم ....
وأتمنى دائما لو أملك الشجاعة لأواجههم ...
هناك بشر يعيشون معنا بكبرياء شديد ويؤذون مشاعرنا بكل غرور وفخر ...
وعندما نكشف حقيقتهم لا نرى منهم سواء البكاء وطلب السماح والمغفره ،،، ولكن !!!!
أين كان ضميركم حين طلبنا نحن السماح !
أين عقولكم حين استخدمتم أشد وسائل التعذيب وهو التعذيب النفسي ،،، حين استخدمتم جميع وسائل الشتم لإذلالنا والتحطيط من قدرنا !
كيف لكم الآن القدره على طلب السماح ! بأي حق ! وبأي وجه !
لا أعلم متى تنتهي هذه المسرحية الهزليه و الوقحه بالنسبه لي ،، فهي لا تزيد في نفسي شيئا سوى إنها تنقص من قدركم يوما بعد يوم .....
ولست خائفة إلا من اليوم الذي يختفي فيه هذا القدر و تختفي معه كل معزه قدرتها لكم .....
سؤال آخر يدور في عقلي !
كيف تستطيعون أن تصطنعوا المثالية وأنتم ناقصين من كل جانب !
كيف تعلمون من تحبون الصدق ،، الوفاء ،، والأمانة وأنتم لا تملكون ذرة من هذه الصفات !!
أتمنى لو تشعرون بأنفسكم وتخجلون قليلا لما تفعلون ،، راجعوا أنفسكم فلم يفت الآوان بعد ...
قد يغفر الإنسان مره ومرتان وربما مره ثالثة ورابعة ولكنه يصل لحد يجعله يصرخ من الداخل ،،،
' لم تعد لي طاقة بعد الآن ، لمن أعطي ! ولمن أثق ! وخاصة حينما يكون الشخص أقرب من ظلك إليك ،، ولمن ابني مستقبل جميل مليئاً بالأمل ! '
ومع هذا كله نظل نبتسم ونحترمهم فقط لأننا نعزهم وهم أكبر سناً ،،،،
أكبر سنا ً !!!


بقلمي : فاطمة السالمhttp://tl.gd/j2ae0g · Reply
Report post (?)

يا شاطر !

تبي تسمع مني كلام يسر الخاطر
اخذ الجديد مني واستاهر
شويه حب على شويه غزل وبالاخر !
ارجع ادور كلام وما القى شي يوفيك يا شاطر 
تبي تعرف غلاتك وين ونغامر ! 
واشرح شعور عمري ما شعرته بالخاطر ! 
كلام كثير ودي اقوله بس ما اقدر 
صعبه اترجم احساس اول مره احسه يا شاطر ! 

جمر الحديد

كــــل منـــــــــا في طــــــــريق

وابتـــدا فصــــل جــــــديــــــــد

مــــن بعــد حـــــب ومـــــــوده

صار كره اشد من جمر الحديد

حين أيقنت

أيقنت وتأكدت حين تألمت

أن لا أحد يستحق أن أقيد حياتي لأجله

وأنني خلقت حرة وسأعيش حرة وأموت حرة

بدأت قصتي بفرح سلبته من غصة ألم جارحه

وانتهت قصتي دون سبب دون وداع دون أي شي يذكر

و أيضا انتهت بألم وجرح كبير ..

اسعي جاهده لأن أعيد ترتيب أوراق حياتي

أعيش لأجلي فقط وما أريد

سأنسى من جرحني ومن ألمني بشده

وحين يعودون سابستم ولن أجيب على أحد

فقط سأرحل كما رحلوا فأنا أيضا بشر وأشعر كما يشعرون

 ولعلهم يوما ما  يشعرون ويدركون  

صديقي

هل اكتبُ شعري مجبرة ٌ ؟
لانسىٰ فراق الأحباب !
أم اكتبهُ لأنني اهواه ، واحيا وسط هواه ؟
همي زادني عثرةٌ ،،،،
في وادي ما اصفىٰ سماه
يخلقُ من الألم بسمة ٌ
تُنسي كل ضريرٍ عماه
رباه ، يا رباه ، إلهي يا سندي
أليس لهالحال مفنىٰ !
صديقٌ كذوب ٌ واعد ُ الأمل ِ
ظنْ إني سانسىٰ جفاه !
كَذبْتُ الحق َلإجلهِ
ولكنهُ استمر بظلاه
سأشفىٰ وانسىٰ مُنْتصرةٌ
لأبني أملاً ما أجمل معناه 

عيش يومك

عيش يومك واعمل لباكر حساب

يمكن تعيش بكره بفرح ومسرة

ولا شفت حظك من عنا الوقت بكاك

اسجد لربك واذكره بكل لحظه

شفت الذي بكاك يا زين وخلاك

مصير الوقت يجرحه ولو كان خله

ناس تفنن بجرحها وهي تغلاك

وناس من زود الحب تطعنك ألف مره

بس ربي اللي خلقني وجعلني بيمناك

قادر يشل إيد(ن) محد(ن) شكرها

تدري وش أكثر شي خفته بدنياك !

غيبتك لا رحت وقلبي عشقها

كل شي يموت بخاطري غير ذكراك

تخنق وتستفز القلب وهو بحسره

نصيحه إن كان حزنك اتعبك مرات

لابد عكس الريح يجيك الفرح مره

آمن بربك واذكره بصبحك ومساك

وابشر يا اخوي بكل المسره

مشاعري ,,,

تجردت من كل مشاعري

تجردت من كل الحنين

سأجرب القسوة الآن,, سأصبح شخص أخر

سأقف على القمة

لن اسكت

ستضحك

لكني سابكيك

ستفرح

لكني سأحزنك

ستكون آمل

ولكني سأجعلك في قمة اليأس

لا بل سأنتقم

لن أكون تلك الحنونة الواقفة على خلف الشجرة

مغمضه العينين ابكي وخائفة...

سأسطر كلمات الأمل بين ذراعي

وكلمات اليأس سأجعلها في طريقك

ستقولون إني حقودة وربما حاسده

ستقولون إني باردة واإيضا مجرمه

ولكن ,,

هذا ما جنته يداه علي

سأبدل عاطفتي بقسوتي

سأكون الحنونة ,,, وللئيمه

سأحب بجنون ,, وأقسو بجنون

لن أخطئ هذه المرة

سأحسب خطواتي بتفكير عميق

سأكون أمي وأبي أختي وأخي وصديقي لنفسي

لن أخاف بل سأجمع قواي لأكون شخصيه جديدة

شخصيه عنوانها أنتي الأهم ...

سحقا لأنوثتي

عفوا اعذرني أيها الرجل حينما أصد ولا أسمعك ...

ولكني لم اعد اهتم لحديثك التافه ..

فأنت لا تعني شيئا لي ,, تظن بأنني خلقت لإطيعك !!

أنت على خطا ,, خلقت لأجل غرض سامي في نفسي ,, لن أموت إن لك تكن أنت معي تكفيني قناعتي بنفسي

تبا لكل رجل دخل حياه كل فتاة فقط ليسطر عليها ...

تبأ لكل رجل يبكي والدته فقط ليرضي زوجته ..

تبا لكل رجل يلهو مع بنات الليل ويصرف عليهم ,, بينما أخته مسجونه بالمنزل وكأنها اسيره

كثيرون هم الذكر وقليلون هم الرجال

وفي زماني هذا لا أرى أي رجل ,,, بل إنني أكاد أعدهم على اصابعي .. وهم لا يتعدون اصابعي العشر

اكتب كما يحلو لي ولست خائفه ..

نعم اكره الذكور واحب الرجال

رجال وجدوا قديما في الزمان أما الان لا ارى سوى مجموعه من ..... ,, لن أكمل فالواقع في الشارع يحكي .....

ألم تقولوا سحقا لأنوثتي

بل قولوا لتحيا أنوثتي  ... وسحقا لذكور يومي هذا

استطيع أن اعيش لوحدي !

استطيع أن ادير حياتي !

استطيع أن اكون ما يحلو لي ..

ألقب بالعاهره حين احب !! ويلقب هو بالمظلوم حين يحب !!

أحزن جدا على هذا الواقع ,,, واقع مجتمع شرقي يصوغ كل ما يراه لخدمه الذكر بينما الأنثى ليس عليها سوى الطاعه !!

عذرا يا مجتمعي لن أكون مثلهن أفعل ما تريد أنت خلقت من طين كما خلق هو من طين وجدت لي مشاعر كما وجدت له وسأعاقب حين اموت كما يعاقب هو ...  فلما ارضى بأن اكون اسيره لهم !!

سأقف بوجه كل رجل يقف في طريقي وسأعيش كما أريد في حدود يرضي ديني وضميري ...

عفوا يا رجلي لدي حياه واحده اعيشها ولن أقبل أن اساوم على حياتي معك ,, أنا من ستدير دفه حياتي ولست أنت ...

لن أسكت قلمي لأرضاء بعض الناس ولا يهمني احد ساكتفي بقول ما يرضيني ويرضي ضميري

نصيحه

اصحي يا بنت الناس لا تندمين

المحبه دين ودموعك عطا

لا يغرك كثر الشوق وبعض الحنين

المشاعر زائفه ومبعثره

اسمعي للأخر واعرفي وش الزين !!

الستر ,, والوفا ,, والعز في وقت الرخا

وانسى كلمات الغزل والشوق والحنين

العفاف اسمى من وفاه لو صفا

لو يبيك صدق ويموت بحبك في كل حين

العين اوسع له لو طلبك واستحى

اجفيه ,, صدي ولا تفكرين

الظنون توجع وتفتح لك باب الشقا

عوفيه وانسي إنك تخضعين

عيشي وابني لك في حياتك مملكه

في دلعك في هيبتك في كل حين

انتي الوحيده القادره على الدفا

لا تزعجي عمرك بخرافات من صوغ السنين

الحكايه مكرره واصبحت منهج ندرسه

كم من قبلك في بحور الحنين

اغرقوا وما لقوا عند البشر غير نظره حاقده

اللوم والصد ,, الجرح والانين

يصبحون ربعك في الشقا والرخا

اسمعي مني ولا تكتمين

خبري العرب وادفعي البلا الحين

لا ترضين بسياسه الحب اللعين

منتي ناقصه عقل ودين مثل ما تسمعين

لك رب ارفعك وقدرك اب كتابه والدين

لا تنزلين نفسك له واشوي اشوي تضيعين

هذا كلامي لو تبين تسمعين

وبالنهايه هي نصيحه ناصحه

ارحل

يا هيه أرحل خلاص ما أبيك
كل ما فتحت دفتري لقيتك !
لخبطت بالافكار غاليك
انت تلعب بخاطري دون ما تحاتي
عندي امتحان افهم الله يخليك
مستقبلي ضاع وتغير مجرى حياتي
أرحل تراني اليوم ما أبيك
يكفي همومي ضيعت لي خطواتي
بفتح الصفحه الأخيره من دفتري وامحيك
ولا عاد أبي اشوفك بوسط أمنياتي

شوقي يا شوق !!

يا شوق خبريه بالحزن اللي قاتلن صدري

يا شوق الروح ماهي روح لو هو كان يدري !!

خبريه بهموم قلبن هلك من بعده بالحيل وعاف صدري ..

خبريه يا شوق الدمع بالعين ذبح محجري وذبحني ...

انا يا شوق ما ظنيت شوقي يظل معي يذبحني ...

ولا ظنيت بيوم افكر بس ارحل عن دياره ولاقي طيفه يتبعني !!

تعبت ادور بوجيه البشر احد بس يخدعني ..

لقيت الكل يا شوق شوقي خادعني !!

مناره حبنا طفت وكنه عليها بدري !!

وصارت الظلمه تنورني وتنورني ...

ولجل الكون انا يا شوق ابكتب قصتي واحكي ..

يمكن بيوم يوصل كلامي ويشفع لي !!

بكره العيد وأنا عيدي معه يبدي ..

وياليت يجي بكره واشوفه باالعيد معي يدعي ..

ابيه يا شوق يدعي لربي إنه ما يفارقني ...

ابي البسمه اللي ما تفارق شفاته ترجع تسعدني ..

والله إني فقدته حيل والكون كله يشهد لي ..

راح عمري انا يا شوق احاول احكي .. واحكي ...

فقدت عمري انا والله بدونه مدري وش احكي !!

كلن تركني وحيد هناك جالس لوحدي ..

افكر وافكر يا ناس قولوا وش ذنبي !!

ورطت نفسي بالهوا وكني قاتلن نفسي ..

وعلى هالحال أنا كل يوم يا شوق قولي وش ذنبي !!

تسلم راسك يالمحبه ما خليتي شي لا هنتي ..

جرحتي بالهوا أحباب ورحتي ولا قلتي ..

خدعتينا وحنا على كتافك نمشي ...

اجل وشلون لو خنا !!

وش كنتي عملتي !!

كلن صاينن نفسه وعلى دروب الوفا يسري ..

خنتينا وحنا للحين نشكي !!

احس هالكون خانقني أنا يا ربي خانقني ..

تخلوا عني ناس كثير وأولهم انا نفسي ..

ماعدت انا اتحمل روحي ولا همي ..

ابي انسى ... ابي اقسى ...

ابي ارجع انا طفلن ..

يشوف الحب هو ماما وهو بابا ..

وروحي وعقلي بس جدي ..

ابي شقاوتي ترجع وضحكتي ما تفارقني ..

ابي بس وشلون وش اللي اقدر اسوي !!

انطقي يا شوق بس تكفين صمتك حيل ذابحني ..

قولي يا شوق كيف اغير واقعي واسري !

اظن يا شوق لا شافني بكره يمكن بيرجع لي !

ابسألج باله يا شوقي هو شوقي يجتاحني انا وحدي !!

انا حنيت يا شوق ودي افهم بس وش ناقصني !!

ازيح الهم عن صدري ويرجع يداعبني ..

كأن الكون ذا كله عالمي انا وحدي ..

ابسكت واخبي ضيقتي بصدري ..

ابرحل انا يا شوق وادور من يواسيني !!

ابي قلوب ما تخدع و وجيهن ما تصدمني ..

ابرحل وابيه يعرف وصاتي قبل لا اقفي ..

تبريت من الغلا الحين وكل شي حولي شاهد لي ..

ابي يسمع وصاتي زين ولا يقاطعني ..

دروب الهوا هاذي لا تاخذ ولا تعطي ..

قلوب البشر محدن ضامنها لو يدري ..

واسمعي يا شوق دقات قلبي كيف تشهد لي !!

لجل ما يضيع يا شوق خليه بس يسمعني ..

ابيه يعرف يوم رحل وشلون اظلم الكون وافزعني ..

نار الهوا بالحيل تحرق واحرقتني ...

جميع الناس انا يا شوق تخنقني ..

انا ودي اعبر عن اللي بخاطري واحكي ..

ولكن وش اقول .. وش اخلي !!

افكر انا لو رحلت الحين في حد بيسأل عنه من بعدي !!

في حد بيسره ويحن عليه شوي من بعدي !!

اخاف ارحل انا ويزعل ويقول بس وش ذنبي !!

اخاف يطول البعد والصد .. بس وش يعني !!

حرام يا شوق خبريني .. وش اللي جالسن احكي !!

أنا جنيت !!

وش يعني !!

غيري مجانين كثار عايشين ولا حد يدري ..

تصوري يا شوق جنوني وصل لاقصاه من ظيمي انا احكي

اه يا شوق لو تدرين اشقد " لفلان " انا مشتاق واخبي !!

احس اليوم او بكره من زعلي انا لنفسي بودعكم انا وامشي ..

اعيش بجنتي لوحدي وارسم صورته جمبي ..

واقول يا فلان يالله نروح وش بقى ليه نبكي !!

انا وانت وجنتنا وسما فوقنا تمطر حروف حبنا على بابي ..

من بعد ظلمتي انا الاقي نفسي بجنتي معاه واحكي أي والله لأحكي ...

امسكيني يا شوق تكفين قولي إصح وش تقول وش تهذي !!

عيش الواقع وانسى .. جنتك حلم انت ما تدري !!

ليه ساكته يا شوق انا صح ولا انت ماخذتني على قد عقلي !!

لا تناظري فيني كذا وتقولي كرامتك يا " فلان " بس تكفا صونها شوي لو تدري  !!

اسكتي واسمعيني للاخر في حبي انا كرامتي انهانت وانا ادري ..

انا عارف انا فاهم لا تقولي لو تدري !!

دخيلك انتي لو تدرين حبيبي وشلون كان يسمع لي !!

كيف كان يحكي ويلعبني ويرفع لي !!

كيف يكتم همومه لجل بس ما يضايقني !

كيف كنت انا طفله بحضنه وانا اسولف واهذي ..

كيف يا شوق كان لي غلا لاقصى الكون يونسني !!

ليه يا شوق غابت شمسي وجروحي حيل تذبحني !!

اهو اهلي .. دنيتي .. حبيبي من بعدي ..

آه يا شوق بس لو تدرين وشلون اقضي أنا وقتي !!

وشلون ساعتي تمشي تك توك.. تك توك .. ولا تمشي ..

قسم بالله يا شوق ما تمشي ..

تزعج اذني بدقتها وتقهرني قهر على قهري ..

خلاص يا شوق يكفي بلم جروحي وبسافر بعيد ادور راحتي بنفسي ..

وانا ادري راحتي بحضنه يدفيني ويفرحني ..

دموعي من يمسحها من بعده وويبكيني !!

منهو من بعده يفجر الكون لو زعلت ويقول كافي بس اضحكي لي !!

من بعده يا شوق يقول دلوعتي تكفين من دلعك ارحميني !!

شفتي يا شوق اشقد يحبني !!

ابي ارتاح ابي اكون له وحده واجيب العيد انا بدري ..

ابي ينسى اللي راح ويحكي لي سواليفه والاعبه  لو يدري !!

اه لو يدري وش كثر بس واحشني !!

ليه يا شوق الايام تروح بسرعه وتصفعني !

ليه انتظر وانا ادري ماكو امل ينور لي دربي !!

تركني للزمن وراح يبي ينسى .. يبي يقسى !!

يبي يرحل يبي يتركني لوحدي !!

اخاف اشكي اكثر يا شوق انا وابكي ..

دموعي صايره بالحيل دعله كل دقيقه تنشب لي ..

سمعت احدن انا ينصح يا شوق سمعي وركزي ..

تقول اصاله " لا تخاف من الزمان الزمن ماله امان ...

خف من اللي كل امالك في يديه وتامنه ""

فهمتي قصدي الحين وكل كلمه على لساني !!

طال الحكي وياك وانا اشكي بس اشكي ..

وللحينك ساكته يا شوق ليه ما قلتي !!

امسحي دموعك يا شوق دخيل الكون لا تبكي ..

ابي من شكوتي تنصحيني علميني بدنيتي وش اسوي !!

انا اسف على دموعك يا حبي بس لا تبكي ..

وش تسوى دنيتي دونك ودون ضحك وحكيك وشمسي !!

حياتي مالها قيمه من دونك لو تدري ..

حسبي الله ونعم الوكيل على دنيا تاخذ ولا تعطي !!

روح حبيبي انا راضي بغيتك اذا تدري !!

روح بدبر نفسي بنفسي انا قادر من بعد ربي اكمل رحلتي لوحدي ..

صحراء كبيره حيل تايهه فيها وشوك يغرز بجسمي ..

انقطعت انفاسي يا شوق هو يسمعني ولا بس يعني !!

اعشقه حيل لو يدري ..

ودي بس لو المس كتوفه وانا بصدره واقفي ..

خلاص يا شوق قولي له لي متى يعني بيقسى ويمرمرني !!

قولي له بطل دلع جد ما اتحمل انا ببكي ..

مليت انتظر وارجي رجعته كل ليله لو يدري ..

انا حظي دايم كذا يضحك لي و يحرجني ..

اصبحت شماتت العرب كله لعيونه لو يدري ..

في كل بيت انا اكرر لو يدري .. لو يدري !!

تدرين ليه يا شوق انا اقول لو يدري !

لانه لو عرف حبي وجنوني ما تركني !!

لو يعرف كيف خبلني وبعثرني !!

لو يعرف كيف جنون الهوا جنني وجنن كل من حولي معي !!

اظن انه عرف يا شوق ولكن وش يعني !!

عشانه نطق قلبي ولو نساه كان رحمني وربي !!

انا طفلن .. انا عاشق .. انا ورده بس ذابت ..

انا راحل .. انا هالك .. انا عايش .. انا ميت ..!!

انا حنيت انا حسيت انا مليت انا صديت !!

أي صديت عن احساسي وتخليت ..

ابي انكر وجوده لو اقدر انا ودي ..

ابي ابدي حياتي غير من دونه واكون عالمي وحدي ..

ابي اشوف الكون وادرس اطباع البشر وافهم وشاللي حاصلن لي !!

لكن اطباعي يا شوق عنيده تصدقين عيت تتركني !!

ابسكت الحين يا شوق اجا دورك ابيك تحكي ..

ارفعي راسك لا تنزلين دموعك بانت لو تدري !

لا تخبي حزنك دخيلك تكفين يا شوق لا تبكي ..

انا عايش يا شوق على ذكراه كيف انساه بس خبري !!

ما زلت انا يا شوق ما تغيرت احبه ولطاريه انا اشتاق يا شوق لا تبكي ..

احس اني اشكي واشكي واحس اني ظلمتك معي وضايقتك ..

وانا قصدي ابين لك موقفي منه وافضفض لك عن جروحي ..

ابيك يا شوق لا رحتي تذكري كلامي زين وتدعي لي ..

شفتي شلون دموعي حرقت خدي وهزلتني !

نظر عيني من بعده راح وتركني ..

نساني وانا عشانه مهموم وضيقتي ذبحتني ..

خلاص  يا شوق بس يكفي اكثر من كذا شحكي !!

ابختم قصتي وارحل واسمعيني لا هنتي ..

افهمي ان الهوا اماني وان دروب الحب تنساك بعز الوجع لو طحتي ..

اسمحي لي يا شوق انا الحين قررت امشي ..

اصبر شلون !!

اشلون ابصبر
قول لي اشلون ابصبر
اشلون اصبر على بعدك
اشلون اقدر انساك
اشلون ممكن اعيش حياتي
بدون ما اتذكر طيفك
كنت احبك وأنت ولا مهتم
ضيعت حياتي عشت وكأني
انسان انسان ضايع بهالزمان
مو عارف شنو معنى الحب والأمان
وش بقى فيني بعد يحس
قلبي وتحول لحجر
ودمعتي تحولت لثلج
بس ما عليه ما عليه
مثل ما قال بو خالد الهوا دوار
ومنو يقدر عليه
حب فرحه وحب جروح
وحبي معاك كان اكبر جرح
جرح ومو راضي يندمل
سؤال اطرحه لنفسي كل يوم
شنو اللي مخليني متعلقه فيك
بس تدري اشلون
انا صج ساعات افكر فيك
بس ما فكرت اني اذل نفسي
وارجع لك ....

روح الله يسهل على الجروح .......
ودنيتي يكفيها من الحزن والجروح ...
بس أنا اقدر اصبر

اي مجنونه

مجنونه ان قلت احبك

ومجنونه ان قلت ما اقدر انساك

قلبي انوجع

والقهر انه من انسان

انسان اهديته حياتي

تركت الدنيا ومافيها لجل عينه

لكن للأسف دنيا تجمع تفرق

تهدي وتضيع

وحياتي معاك

كانت كوتيل منوع

منوع من الالم والآه

وبحياتي انت اكبر واجمل

الم واه ، اه على الالم والجراح

رجوعك حلم

تروح اليوم واقول بكره بتجيني...
 والوعد قدام يا فلان اشوفك بعيني...
 ويصبح الصبح وانا انتظر ,,,,
 انتظر انك تجيني !!!
واصبح واناظر لحالي واعرف انه رجوعك مجرد حلم!!
 وارجع وانا الليل مفزوع من بكره !
 ويجي بكره على مثل هالحال !
طول البعد والغيبات لكن حبك ما زال ..
ارجع ترى باب القلب منهار ..

عيون القصيد

لخاطر عيون القصيد اللي رسم ملامح حزني وقصتي أسمعني .....
أسمع من فينا انظلم !
ومنهو اللي جرحني !!
أسمع وش جرى من بعدك !
وش اللي ذبحني !
غير شفقه بعيون البشر ...
وشهقتي اللي بصدري اذبحتني ...
وش يصير يعني لو نسينا !!
لو فهمنا لو حكينا !!
ماهو أحسن من تعبنا !!
بوسط حرتنا اللي اذبحتنا !
كيف أكمل قصتي ! كيف ابنهي هالحكايه وهل القصيد !!
وأنت روحي وفارس أحلامي والوريد
كيف ابنهي الحكاية والفارس اب وادي بعيد !!
كيف ابنهي قصتي اللي رسمتها انت يالحبيب !!
كيف ابنسى كيف اب أقسى !!
كيف أبين موقفي !!
كيف أعلمك كيف تفهم كيف تبرر لي كيف !

دقات قلبي

اسمع حبيبي دقات القلب تناديك !
 هو شعور حس فيه الله يهديك ....
ماهو لزوم تسمع اني احبك او اغليك ..
ابيك بس تحس اني ميت والله عليك !!
مرت شهور تكفا بس يالغلا ابيك !!

يا صغر الفرح !!

هكذا هو قلبي صغير ولكن من الداخل يحمل الكثير من معاني الالم والاه...

ولكن للأسف من سيفهم من يفهم بهذه الدنيا ومن يفهم بألمها الجارح ....

من يستطيع فهمي لا احد يستطيع لأنهم لا يعلمون بالألم الذي اشعر به كل يوم...

فراقك يقض مضاجعي اخبرني وقل لي كيف تستطيع تحمل فراقي عنك...

الوقت توقف الوقت في حياتي بسببك نعم بسببك أنت ولا سواك ....

اتركني فعذابي وحدي أفضل من عذابنا مع بعض اذهب وليكن الله بعونك ....

ولتعلم بأن الحق معي و أنني لن استسلم بسهوله لذا اذهب واتركني ...

ولكن اخبر شبح ماضيك أن يكف عن مضايقتي وملاحقتي دوما ...

انهمرت دموعي وجف ماء عيني لأجلك وفي النهاية أجد كلمه واحده ...

نعم كلمه واحده جعلتني ابكي ندما على وقتي الذي امضيته معك ...

إنها الوداع كلمه صغيره لكن أثرها كبير وأنت السبب في ذلك ...

لذا سأردد كلمه واحده من الآن وصاعدا نهايتي معك هي البداية ...

وبدايتي معك مشوار النهاية لذا أرحل ولا تعد حتى تشرق شمسي من جديد ...

عشقي ..

عشقت وابتليت ...
حبيت لكن حشا ما نسيت
ابتعدت لكني من داخل انكويت
حبيت وعمري ما جفيت
ولفرقاكم عمري ما حنيت
ما فكرت بهجرك ولا قويت
تذكرتك واجد وحيل بكيت
سمعت صدى لبكاي ولا عمري شكيت
طعنت قلبي بالفرقا او مشيت
لفيت ,,, لفيت و لفيت ما لقيت الا عيون الناس
هذا يسال شفيها !!
وهذا يقول انت ما دريت !!
اضحك بوجهه يمكن اغير الفكره
يطالع فيني ويكمل ذبحها الهجر ...
والف وجهي واسمع '' الحين البنت ....!!!
وامشي ولا ابي اسمع ما ابي اسمع